Oh My God!!! උන් අපිට කෙලිනව ඕයි

love-the-idiot-550x550

බාලගිරි දෝශය අද නොවේ හෙට යැයි සිතමින් සැනසුනු අපිට, අද බාලගිරි දෝශය ගේ දොරකඩටම පැමින ඇත. තවමත් දෙමලුන් පමනක් මරන සහ හම්බයන් පමනක් එලවන හමුදාවක් වෙනුවට අපේ කෑම කාල හැදු එවුන් අපිටම කෙලින දවස පැමින ඇත.

මහ දවලේ තෝරා ගත් එකෙක් දෙන්නෙක් ඉස්සු සුදු වැන් වෙනුවට. පදිකුඩු ඉරිප්පු සුද්ද කල ලෙසටම, අපිවත් සුද්ද කරන දිනය පැමින ඇත. පල්ලි පන්සල් වලට අපෙ උන් පහර නොදෙන බවට දෙමලුන් සමග ඇර ගත් අපට, මුන් පල්ලිය ඇතුලදීම පහර දෙති.

හම්බයගේ ලොගුව ඇතුලේ සැන්ගවුනු මාමස්මි මැරූ විට උන් ලියා දුන් පිටපත අපේ නමින් ලියා පලකල මුන් අපිට අද “මාද්යකාරයො බල්ලො” කියා පහර දෙති.

තිරිසන් ප්‍රභාකරන් ඉවර කල කලේ  තිරසන් බවින් බව දැන දැනත්, යුද්ධය යනු සොදුරු කල අපිට මුන් අද “බල්ලො” කිය කියා පහර දෙති.

උගන්ඩාවටත් අපි තමයි වතුර දෙන්නේ කියා වැඩ කරන තැන සුද්දටත් ආඩම්බරෙන් කියු අපිට, වතුර ටිකක් ඉල්ලු විට, බොලගේ අම්මලට කියා කියා පහර දේති.

මට බෝධි පූජා කරන වතුර කලෙන්ම, බෝධිය නාවා සෙත් පතූ හමුදාවෙ අපේ පුතාල, අම්මට අම්මගේ අම්මව මතක් කර කර පහර දෙති.

කටුනායක රොශාන් මැරුනු වෙලේ ගාමන්ට් කොල්ලො කෙල්ලන්ගේ නැහැදිච්ච කමට වුනී කියල ජෙප්පොත් එක්ක ඇරගත් අපිට මුන් එලව එලව තඩි බාති.

මීගමුවෙ ඇන්ටන්ට මලේ මාලු කාරයෙක් නිසා බවත්, උන් කොහොමත් අලුගොසුවො බවත් සහ සුද්දේන්ම අනිත් එවුන් එක්ක කිව්ව අපිට මුන් ලෙසටම කෙලති.

සුපර් ස්ටාර්ට කෝල් කරන, පුන්චි උන්ගේ මූන මිරිකන,ගෙදර දන්සල් දාන මහින්ද මාම ගැන කදුලු පුරොගෙන මුකුත් පේන්නේ නැතිව හිටිය අපිට……… හෙටත් මුකුත් පේන එකක් නැහැ.

Advertisements

රැවටිච්චී පොල්කිච්චී ……

විමලේ බොහො දෙනෙකුගේ නෙතට කඳුලක් නංවමින් උපවාසය අවසන් කර ඇත. අතිගරු ජනාධිපති උතුමානන්ගේ කරුනාබරිත ඉල්ලිම ඉවත නොදැමිය නොහකි නිසාවෙන් තම මාරාන්තික උපවාසය අත් හැර ඇත. හැඟීම්බර මිනිසුන්ගේ හුරේ හඬ මැද ජයග්‍රහනයෙන් හෝ මරණයෙන් තොරව අවසන් නොකරන බවට ශපත වූ උපවාසය ඒ ජනතාවගේම හුරෙ හඬ මැද අවසන් කෙරුනි. මෝඩ මිනිසුන් කිහිප දෙනුකු හැර, අන් සියලු දෙනා බලපොරොත්තු වූ ලෙසම නාටකයේ අවසානය සිදු විය. චරිතය රඟ පෑ යුත්තේ නාටකයේ අදියුරුට අවැසි ලෙස බැවින් අවසානය පිළිබඳ නලුවාට දොස් තැබීමෙන් පලක් නැත.

නමුත් විමලේගේ උපවාසය ශ්‍රි ලාංකික අර්ධ මානවකයින් වෙත ප්‍රශ්න කිහිපයක් ඉතුර කර ඇත. ඒවා නම්:

1. බෑන් කී මූන්ගේ කමිටුව පිලිබඳ ලෝක අවධානය යොමු කර වීම.

2. ඒකබද්ධ විරොධතා ලිපියකට අත්සන් කිරීමට සිටි නොබැඳී ජාති රටවල් බොහොමයක් ඉන් වැලැක් වීම.

3. ශ්‍රී ලංකීය ජනතාව තමිල්නාඩු ජනතාවගේ පරි පූර්ණ කොපි කැට් එකක් බව ජාත්යන්තරයට කියා පෑම.

නමුත් මහින්දගේ යුධ ජයග්‍රහනයෙන් ඔද වැඩි අයි ටී එන් පසු වදන බලන ජනයාට මේ කිසි වෙකින් වැඩක් නැත. දින හතරක කාලයක් ගංවතුර, මිනි මැරුම්,කප්පම් සීන් නොමැතිව තලු මරීමට කිසිත් නොමැතිව සිටි ජනයාට ට්‍රැජිඩියක් ලෙස රඟ දැක්වූ කොමඩියක් දැක බලා ගැනීමේ අවස්තාව හිමි වුනි.

88-89 වකවානුවෙහි මරණය හමුවේ, අනෙකුන් අත හැර පලා ගිය විමලේ, රජ සැප විඳිමින් මරණයට මුහුන නොදෙන බැව් ඔහුගේ සමකාලීනයින් දන්නා මුත් අති මහත් බහුතරය එය නොදනී. දන්නා වුනුත් සිදු වූ අතීතයට වඩා නොසිදු වන අනාගතය ගැන නෙත් දල්වා සිටිති. අවසානයේ රත්වත්තෙගේ සහ ජෙයරාජ්ගෙ ගොඩට වැටුනු විමලේට අවම වශයෙන් තිලීපන්ගේ තත්වයට සම වීමටවත් නොහකි විය.

නමුත් විමලේට තවත් අවස්ථා ඇත. ලංකාව ලෝකය ඉදිරියේ පච කිරීමට තවත් අවස්තා ඇත. මන්ද ලංකාවට දේශප්‍රේමය යනු සුද්දාට සිංහලෙන් බැන වැදීම බැවිනි.

බෑන් කී මූන් විසින් විමලේගේ නැට්ට කැපූ මෙ අවස්තාවෙ එකක් කිව යුතුය. එනම් විමලේට වඩා ජාතිවාදී වූ, විමලේට වඩා යුධ ජයග්‍රහනයට අයිතිවාසිකම් කිව හැකි චම්පික, විමලේට වඩා සිය ගුණයක් බුද්ධිමත් බවය. මහින්දට දෙක පුන වාර ගනන සාපෙක්ශව අඩු බවය.

විමලේ වෙනුවෙන් හුරේ දැමූ, මෝඩ චූන් කාරයින් හට කියන්නට ඇත්තේ එකම එක දෙයකි.

“රැවටිච්චී පොල්කිච්චී කැන්ද ගහේ එල්ලිච්චි”

පොලිස් රෙප්ලා

පෞද්ගලික කටයුත්තකට මාතර ගොස් එමින් සිටි ගාල්ල නගර සීමාව පසු කලා විතරයි. එක් වරම බෝක්කුවක් අස්සෙන් එලියට පැනපු පොලිස් නිලධාරියෙක් වාහනය නතර කරන ලෙස සංඥා කලා. ඔවුන් පසු කල මම වාහනය නතර කලා. වාහනය අසලට පැමිනි පොලිස් නිලධාරි තුමා “කරුනාකරල ලයිසන් අරන් එන්න කියල බොහොම කරුණාවෙන් කිව්ව.

මමත් අවශ්‍ය ලියකියවිලි ටිකත් අරන් බැහලා පොලිස් බයිසිකලය ගාව හිටපු ලොකු නිලධාරී තුමා ගාවට ගිහිල්ල ඇහුවා ඇයි මාව නැවැත්තුවෙ කියලා.

“මහත්තය අධික වේගයෙන් වාහනය පැදෙව්වෙ. මම අහුවා වේගය කීයද කියලා.

“63 යි”

“63යි??” මම පුනුරුච්චාරනය කලා.

“ඔව්. නගර සීමාවෙ 60ට වැඩියෙන් වේගෙන් යන්න බැහැ”.මෑන්ස් හරී ආඩම්බර විදියට කිව්ව.

“ඉතින් මෙහෙ මුකුත් වේග සීමා ගහල නැහැනෙ” කියල මම කිව්ව.

“ගහල නැති උනාට ඒව දැනගන්න ඕන” කියල පොලිස් මෑන් කිව්ව.

“ඔය හයිස්පීඩ් අල්ලන එක තහනම් කලා නේද උසාවි නියෝගයකින්” මම බොහොම යටහත් පහත් විදිහට ඇහුවා.

‘ඒ ඉස්සර” මෑන් නක්කල් හිනාවකුත් එක්ක කිව්ව.

“හර හරි මේක දැන් උසාවි දාන්න ඕන නඩුවක්. දඩ කොලත් නැහැ.” කියල මැන්ස් නඩු ලියන පොත ගත්තා.

ආපහු කොළඹ ඉඳන් ගාලු ඇවිත් උසාවි ගානෙ රස්තියාදු වෙන රූප පෙලක් මගෙ හිතේ ඇඳෙන්න ගත්ත.

“මහත්තය එහෙම කරන්න එපා, ආපහු මට මෙහෙ එන්නත් බැහැනෙ. අපි ඕක ගොඩින් ඉවරයක් කරමු කියල මම කිව්ව.

“ඔන්න ඕකනෙ. මෙ මිනිස්සුත් බලගෙන, අපිත් කරදරෙ වැටෙන වැඩ” කියල මිනිහ මට පොලිස් බයිසිකලේ පෙට්ටිය ඇරල දුන්න. පර්ස් එකෙ තිබුනු එකම දාහෙ කොලේ පෙට්ටිය ඇතුලට දාල ලයිසන් එකත් අරගෙන ආඵු වාහනයට නැග්ගෙ එල්ලුම් ගස් නොගිහින් බේරුනා වගේ සතුටකින්.

ගාලු පාර දිගට ඉන්න පොලිස් අන්කල්ල අල්ලන වාහන වලින් හරි අඩක්වත් අනිවාර්යෙන්ම පොලිස් පොතේ ලියවෙන්නෙ නැතුව ගොඩින් ෂේප් වෙන ඒවා. ඒ ආදායම රජයට අහිමි වෙන්නෙ දඩ කොල ගෙවන්න පහසු ක්‍රමයක් නොමැති කම නිසා. දශක ගනනාවක් තිස්සෙ පවතින ක්‍රමය ඉබ්බ දියට දැම්ම වගේ පගා කාරයින්ටම හදපු ක්‍රමයක් කියල පොලිස්පති පුටුවට එන හැම පොලිස් ලොක්කම දන්නව උනත්, ඒක වෙනස් කරන්න යන්නේ නැත්තෙ ස්ට්‍රයීක් නැති පොලීසියත් ස්ට්‍රයික් කරයි කියන බයටද, නැතිනම් මම පොඩ්ඩ කාලෙ ගහපු ජරාව අනිත් පරම්පරවටත් දීමෙ සානුකම්පිත හැඟීමෙන්ද කියල හිතා ගන්න බැහැ.

ආපහු එන අතරෙ මතක් වුනෙ සමහර රටවල අධිවෙගී මාර්ග වල තියෙන සලකුනු. සමහර මාර්ග වල තැනින් තැන වාහන වේග සීමා ඉක්මනවද කියල කැමරා/ රේඩාර් මගින් පරීක්ෂාවට ලක්වෙනවා. හැබයි ඒ කැමරා ඇති තැන් ඔවුන් මාර්ග සලකුනු මගින් පෙන්නුම් කරනව.(හරියට ඉස්සරහ පොලිස් කාරයෙක් ඉන්නවනම් ලන්කාවෙ වාහන රියදුරන් හෙඩ් ලයිට් එක ගහනව වගෙ.)

ඉතින් මෙ මාර්ග සලකුනු දකින රියදුරන් ඉබේම තමන් ගමන් කරන වේගය අධික නම් එය අඩු කර ගන්නව. මාර්ග නීති බහුල ලෙස කඩකිරීම් සිදු වී ඇති නම් ඔහුගේ රියදුරු බල පත්‍රය අවලන්ගු වෙනව.

ඒ රටවල එහෙම හැදිල තියෙන්නෙ, එවැනි රටවල රජයෙ අරමුණ දඩ මුදල් ආදායම නොව සැබැවටම රිය අනතුරු අඩුකර ගැනීම නිසයි. 

නමුත් අපේ රටේ මුඛ්ය පරමාර්තය දඩ මුදල් ආදායම නිසා කවදාවත් මාර්ග නීති කඩ කිරීම් අඩු වෙන්නෙත් නැහැ. පොලිස් අය්යලත් දැන් සලෙස් රෙප්ල එහෙමත් නැත්නම් ප්‍රයිවෙට් බස් කොන්දොස්තරල වෙලා. දවසෙ ටාගට් කවර් කරල තමන්ටත් ගානක් හොයා ගන්න තමයි මේ ක්‍රමය හදල තියෙන්නේ.

ඒක නිසා, මේ ක්‍රමය මගින් කවරදාවත් මෙ අනතුරු සන්ක්‍යාව අඩු වීමක් සිදු වෙන්නෙ නැහ. ඒ වෙනුවට සිදු වෙනු ඇත්තේ රජයේ ටාගට් ආදායම ලැබීමත්, පොලිස් රෙප්ලාගේ මාසික ආදායම ඉහල යෑම පමණයි.

පුංචි සිද්ධියක්

මේක අහපු කතාවක්.
අපෙ ගමේ ගෙදරක හිටපු වයසක සීය කෙනෙක් මිය ගියාට පස්සෙ, ගෙදර දෙන්නෙක් ලඟම තියෙන මල් ශාලාවට ගිහිල්ල ඇතිවෙලා තියෙන දෙබස මෙහෙමයි.

නිවැසියන්: මුදලාලි, අවමගුල් කටයුත්තක් සම්පූර්නයෙන් කරන්න කියක් විතර යයිද?

මල් ශාලා මුදලාලි: ඔක්කොම වැඩ වලට රුපියල් විසි තුන්දාහක් විතර යාවි

නිවැසියන්: එතකොට මුදලාලි “බොඩි’එක අපෙන් දැම්මොත් කීයක් විතර වෙයිද?

මුදලාලි: ඇයි ඕයි බොඩි එක තමුසෙලගෙන් නැතිව අපෙ තාත්තවද පෙට්ටියෙ ඇතුලෙ තියන්නෙ?

යහ පාලනය වෙනුවෙන් සඟ සමුළුවක්..

රටේ යහපාලනය පිහිටුවීම තහවුරු කිරීම අරමුණු කර ගනිමින් ත්‍රෛනිකායික මහ නා හිමිවරුන්ගේ ප්‍රධානත්වයෙන් විශේෂ සඟ සමුළුවක් කැඳවා ඇතිබව ලංකාටෘත් වෙබ් අඩවිය වාර්තා කරනවා. ශ්‍රි රෝහන ජනරන්ජන මහින්ද ආණ්ඩුව යටතේ මෙවැනි සඟ සමුලුවක් කැඳවීමට සිදු වීම සැබැවින්ම කිසිවෙකුත් අපේක්ෂා නොකල දෙයක්. මේ කැඳවීමට අත්සන් තබා ඇති අති පුජ්‍ය තිබ්බටුවාවේ සුමංගල හිමියන්, මහින්ද රටේ වසර විසි පහකට ජනාධිපති විය යුතු බව පැවසුවේ යන්තම් මාස හයකට පෙරයි.

මහින්ද ආණ්ඩුව ගොඩනැගීමට විශාල කාර්ය භාරයක් ඉටුකල සංඝය වහන්සේල මෙ සඳහා පෙරමුණ ගැනීම විශේෂ සිදුවීමක්. මෙතෙක් රටේ ඒකීය භාවය වෙනුවෙන්, බුද්ධාගමේ ආරක්ෂාව වෙනුවෙන් පෙනී සිටි ත්‍රෛනිකායික මහ නාහිමිවරුන් ප්‍රමුඛ සංඝරත්නය පලමු වතාවට යහ පාලනය සහ ප්‍රජාත්‍රන්තවාදය වෙනුවෙන් ඉදිරියට පැමිනීමත් අවධානය යොමු විය යුතුයි. එය අන්ධ රාජපක්ෂවාදීන්ගේ ඇස් ඇරවීමට සමත් වෙතැයි බලා පොරොත්තු වෙමු.

කොහොම වුනත් සෑම විටම එන්.ජි.ඕ, විදේශ කුමන්ත්‍රණ සහ දේශප්‍රෙමීත්වය යන වචන වලට මුවා වී සියලුම තුච්ඡ ක්‍රියාකරකම් සාධාරණීයකරණය කිරීමට වලිකන වීරවංශ නඩය මෙයට ප්‍රතිචාර දක්වන විදිහ ඉතාමත් විනෝදජනක වෙනවට කිසිම සැකයක් නැහැ. (මතක ඇතිව අයි ටී එන් නිවුස් බලන්න) සමහරවිට සමුළුව සඳහා ඇමරිකාව මුදල් යෙද වූ බව ගෝඨාභය කරුනු සහිතව ඔප්පු කරන්නත් බැරි නැහැ.

මෙවැනි කැඳවීමක් සඳහා බලපෑ ප්‍රධාන හෙතුව ජෙනරල සරත් ෆොන්සෙකාගේ (SF) අත් අඩංගුවට ගැනීම විය හැකියි. පැමිනිලිකරු, ජුරිය, නඩුකාර හමුදුරුවො යන චරිත තුනම එක විට රඟ දක්වන ගොඨාභය යටතේ පවතින යුද්ධාධිකරණයකින් SFට බලපොරොත්තු විය හැකි සාධාරණත්වය කුමක්ද යන්න අවිනිශ්චිතයි. දැනටමත් ගොඨාට අනුව හමුදාපති වසර 5 කට සිරගත කළ හැකියි. (එය බරපතල වැඩ සහිතවද නොමැතිවද යන්න කාසියක් උඩ දමා තීරණය කරනු ඇති ).

 ඊට අමතරව SF නිදහස් කර ගැනීම වෙනුවෙන් දිවයිනේ පැවැත්වුනු බොහො උද්ඝෝෂන වලට ආණ්ඩුවෙ මැරයින් පොලිස් ආරක්ෂාව සහිතව පහර දීමත් සිදු වුනා. රටේ නීතිය තව දුරටත් ආණ්ඩුවෙ අත වැසියන් සඳහා ක්‍රියාත්මක නොවෙන බවත් එය ක්‍රියාත්මක වන්නේ රාජපක්ෂ විරෝධීන් සඳහා පමණක් බවත් දැන් ඉතා පැහදිලියි.

දැස් හොඳින් පෙනෙනවුන් දකින දෙය මෙය වුනත්, ලපයි සිපයි කලාකරුවන් අතර මහින්ද වෙනුවෙන් කඩේ ගිය සංවේදී  “කලාරිට” වන සොමරත්න පවසන්නේ සරත් ෆොන්සෙකා අත් අඩංගුවට ගැනීම සාමන්‍ය නීතිය ක්‍රියාත්මක වීමක් බවයි. මුදලින් සහ බලයෙන් දැස් අන්ධ කර ගත් මෙ “කලාරිට” ට නොපෙනෙන දේ නම් පොලීසිය ආරක්ෂාව සහිතව මැරයින් නිරායුධ ජනතාවගේ උද්ඝෝෂන වලට පහර දෙන්නේ කෙසෙද යන්නයි. පොලීසිය පහරදීමෙන් නොනැවතී පහර කැමට ලක් වූවන් චූදිතයන් කර, උසාවියෙදී පිචං වන්නේ මන්ද යන්නයි. මර්වින් රූපවාහිනි සේවකයින් දඩයම් කරද්දී මෙ සාමන්‍ය නීතිය ක්‍රියාත්මක නොවුනේ මන්ද යන්නයි. උන්ම ගසා ගත් සංවේදි බෝඩ් ලෑල්ල උන්ගේ ප්‍රශ්න වලට පමනක් සංවේදි බව දැන්වත් ප්‍රේක්ෂකයින් තෙරුම් ගනු ඇති.  

ප්‍රගිත්ගේ අතුරුදහන් වීම, චන්දනගේ අත් අඩංගුවට ගැනීම ආණ්ඩුවේ ජනමාධ්‍ය ඇමතිට සංවේදි නැහැ. ලංකා පත්තරෙට සීල් තැබීම ඔහුට වගක්වත් නැහැ. (එය ඔහු යු.එන්.පියෙන් ලද ආභාශය වෙන්න ඇති). මේ තත්වය ප්‍රේමදාස යුගය හෝ එයටත් වඩා දරුණුයි. ඉතාම නරක ප්‍රවනතාව නම් නීතිය ඉදිරියට දමා, නීතිය තමන්ට අවැසි සේ නිර්වචනය කරගෙන සිදු කරන මර්දනයයි. ප්‍රේමදාස යුගයේ ත්‍රිශූලය, කපුටා, කොළම ලෙස තීරු පුවත් පත් ගනනාවක් (යුක්තිය, රාවය වැනි විකල්ප පුවත් පත් වලට අමතරව) ප්‍රේමදාස ජනාධිපතිට එරෙහිව පලවුවත් කිසිම පුවත් පතක් සීල් තැබීමකට ලක් වුයේ නැහැ.

ඉතා දැඩිව මතුවන බිය නම්, 60% ක ඡන්ද පදනමක සිටින රාජපක්ෂලාගේ ක්‍රියාකලාපය මෙය නම්, ජනප්‍රියත්වය හීන වන විට ඔහුගේ ක්‍රියාකාරකම් කෙලෙස විය හැකිද යන්නයි. ඇතැම්විට චණ්ඩි මල්ලි එලිපිටම ආරූඨ වීමටත් බැරි නැත.

එබැවින් මේ සමුළුව රාජපක්ෂවාදි සිංහල බෞද්ධ, හදවතක් ඇති, නිදහස අගයන මිනිසුන්ගේ දෑස් අරවනු ඇතයි සුබවාදීව බලාපොරොත්තු වෙමු.

රාජපක්ෂ නොවන සියල්ලෝම දේශද්‍රොහීන් වීම..

සිදු නොවිය යුතු දේම මේ මොහොතේ සිදු වෙමින් පවතී. ලද ආරංචිය සත්‍ය බැව් දුරකතනය ඔස්සෙ සහතික කර ගත්තෙමි. ඒ මහින්දගෙ ඡන්දදායකයකු වු මගේ පියාගෙන්.

“ආරංචිය ඇත්ත. ජෙනරල්ව ඇරෙස්ට් කරලා” තාත්තා පුනරුච්චාරණය කලා. හැබැයි ඒ වචන වල ආණ්ඩුවෙ ඇමතියෙක්ගෙ ප්‍රකාශයක තියෙන උද්ධච්ච (ඇද්ද උඹට??) බව තිබුනෙ නැහැ.

මාස හයකට පෙර දේශප්‍රෙමි කඳවුරෙහි සිටි ජෙනරාල්, සිංහල ජනතාවගේ ප්‍රධාන  සතුරා වුනු ප්‍රභාකරන්ටත් වැඩිය දේශද්‍රොහී වෙලා. ඒ වෙනුවට පශ්චාත් යුද සමයේ සිංහලයින්ගේ ජනප්‍රිය රූපවාහිනී වීරයා වී සිටින ආදරණිය මර්වින්, රූපවාහිනියට වොයිස් කට් දෙමින් කියන්නේ, ජෙනරාල් හමුදාපතිව සිටියදි කුමණ්ත්‍රනය කල බවයි. මේ අත් අඩංගුවට ගැනීම මීට පෙර සිදු කල යුතුව තිබුනු බවයි. නමුත් අපේ අවාසනාවට ජනපති සංවේදි නිසා එය සිදු නොවුනු බවයි.

ඇත්තය. ජෙනරාල් ‍යුධාධිකරණයක පැමිනවිය යුතුය.

නන්දිකඩාල් කලපුවේ අමුඩයක් අන්දවා, දණ ගස්සවා, කුඩු මර්වින් හෝ ස්ත්‍රී දූෂක දුමින්ද හෝ යුද විරෝධී රාජිත ලවා, ඔලුවට වෙඩිතබා අනෙකුත් දේශද්‍රෝහින්ට පාඩමක් ඉගැන්විය යුතුය.

හේතුව සින්නක්කරයට රාජපක්ෂවාදීන් ලියාගෙන ඇති “දෙශප්‍රෙමී” විශේෂණය පාවිච්චි කිරීමයි.

 මෙතෙක් ආණ්ඩුව හංගාගෙන සිටි දෙයක් එලි වෙමින් පවතී. සැබැවින්ම ජෙනරාල් සහ ප්‍රභා සිට ඇත්තේ එකම කඳවුරකය. ජෙනරාල්ට මරා ගෙන මැරෙන ප්‍රාහරය එල්ල කොට ඇත්තේ හමුදාවේ සිටි දේශප්‍රෙමී කාන්තාවක් වන අතර ප්‍රභාව කොටුකර ගැනීමට හමුදාපති සැලසුම් කර ඇත්තේ වැරදීමකිනි. එය සැබැවින්ම ගෝඨාව කොටු කර ගැනුමට සිදු කල සැලසුමක් වැරදීමකි.

 නමුත් ජෙනරාල් ක්‍රීඩා අමාත්‍යාංශයෙ ලේකම් වෙලා හිටිය නම් මෙ තිරනාටකය මෙයට හාත් පසින්ම වෙනස් ලෙස ලියවෙන බව ඕනෑම රාජපක්ෂවාදියෙක් නොවන පොඩි ළමයකුට වුනත් වැටහෙනවා.

 ප්‍රශ්නය ඇත්තේ ලංකාව තුල ජීවත් විය යුත්තේ රාජපක්ෂවාදින් පමනක්ද යන්නයි.

 ඔබ රාජපක්ෂවාදියෙක් නම් පොලිස් සහ ප්‍රභූ ආරක්ෂාව සහිත ඉතාමත් සැපපහසු ජීවිත්යක් ගත කල හැකි බව මර්වින් සිල්වා, පියසිරි විජේනායක, මිලින්ද මොරගොඩ, රාජිත සේනාරත්න, රෝහිත අබේගුනවර්ධන, දුමින්ද සිල්වා, මහින්දානන්ද අලුත්ගමගේ වගේ මදාවියන්ගෙන්, මිනීමරුවන්ගෙන්, හොරුන්ගෙන්, ළමා අපචාරකයින්, දූෂිතයින්ගෙන් ගහන ඇමති ලිස්ට් එක අපිට කියල දෙනව. මින් රාජපක්ෂවාදි වීම යනු, ඕනෑම රාජපක්ෂ (විජේදාස රාජපක්ෂ හැර) කෙනෙකු කියන දෙයට එහෙයි කීම හැර වෙන මොන මගුලක්වත් නොවෙයි. 

 ලංකාව තුල ඊනියා රාජපක්ෂ වාදින් හැරෙන්නට අනෙක් උන්ගේ ජීවිත තවදුරටත් වටින කියන එවා නොවෙයි කියල අපි දැන් හොඳටම දන්නව. ලඟම උදාහරණය ප්‍රගීත් එක්නැලිගොඩ. ප්‍රගීත්ගෙ ජීවිතය මහින්ද අබේසුන්දරගෙ නැත්නම් හඩ්ඩගෙ රාජපක්ෂවාදි ජීවිතය තරම් වටින්නෙ නැහැ කියල පොලිසීය ක්‍රියා කරන විදිහෙන් පේනවා.

 බුද්ධාගම ප්‍රදර්ශනාත්මක දෙයක් කරගත් ශ්‍රි රෝහණ ජනරන්ජන මහින්ද තවදුරටත් මල්වතු අස්ගිරි අනුශාසනා පිලිගන්නා කෙනෙක් නොවන බව මල්වතු මහ නා හිමියන් පවසලා තිබුනා. ඔහු ජෙනරාල්ව අත් අඩංගුවට ගත්තෙ ඔහුගේ ආරක්ෂාව වැඩි කරන ලෙස ත්‍රයිනිකායික නා හිමිවරුන් එවන ලද ඒකාබද්ධ ප්‍රකාශයට දින කිහිපයකට පසුයි. (රට පාලනයට උපදෙස් දීම හමුදුරුවරුන්ගේ කාර්යය නොවුනත්, හැමදාමත් ඉතිහාසයේ රජවරු මහා විහාරික නා හිමි වරුන්ගෙන් අනුශාසනා ගෙන රට පාලනය කල බවත්, “මහා මහින්ද” ඒ මහා සම්ප්‍රදාය රකින නූතන නායකයා ලෙස ලොවෙත් නැති පාට වලින් මහින්දව සරසන චම්පිකට, විමල්ට නලින් ද සිල්වාට අයි ටි එන් නිවුස් වලට මෙ ගැන කියන්න තියෙන්නෙ එක දෙයයි. ඒ නායක හාමුදුරුවරු නෝර්වේ වලින් කුට්ටියක් අරගෙන ඇති බව).

 රාජපක්ෂවාදින් හැර අන් සියල්ලොම දේශද්‍රොහී නැතිනම් යු.එන්.පී කාරයින් ලෙස හඳුන්වන සංවේදී ජන නායකයින්ට ලංකා ඉතිහාසයේ පළමු බුද්ධි පරීක්ෂණය පිලිබඳ, මෙ දිනවල ලෙවක් නැතිව කුමන්ත්‍රණ සිහින දකින නලින්ද සිල්වාගෙන් සවිස්තරව අසා දැන ගත හැක. නෑයනුත් නොනෑයනුත් හැර තවත් පුද්ගලයකු සිටින බව තෙරුම් ගන්නට දෙවානම්පිය තිස්ස රජුට හැකි වූ නමුත්, රාජපක්ෂලාට සහ ඔවුන්ගේ යටත් පිරිසට ඒ හැකියාව නොමැති බව හොඳටම විශ්වාසයි. එය අපේ අනාගතය සුබ වන තරමටම විශ්වාසය.

මේ විපරීත කාලයකි..!!

සුනිල් මාධව – මම කුඩා කාලයේ සිටම ආදරය කරන කැමතිම පුවත්පත් කලාවේදියෙක්.  සුනිල් අය්යගෙ සත්‍යවාදියෙකුගේ දිනපොත මුලින්ම දිවයින පත්තරෙනුත් ඊට පස්සෙ ලක්දිව පත්තරෙනුත් කියවන්න පටන් ගන්න කොට මම අවුරුදු 10-12ක කොලු ගැටයෙක්. සුනිල් අය්යා ලක්දිව පත්තරේ පටන් ගන්නවෙලාවෙ ඊට ආධාර ලෙස අපේ නගර ශාලාවෙ තිබුනු විනී හෙට්ටිගොඩගෙ කාටුන් ප්‍රදර්ශනයට අය්යත් එක්ක ගිහිල්ල එතන තිබුනු කැටයට රුපියල් දහයක් ආඩම්බරෙන් දමපු හැටි තවමත් මත්කයි. ආඩම්බර හිතුනෙ මම ලොකු වැඩකට සම්මාදම් උනා කියන හැඟීමෙන්. ඇත්තටම සුනිල් අය්ය මගේ ලෝකයේ වීරයෙක්. ඔහුගේ සත්‍යවාදියෙකුගේ දිනපොත කියවල දෙඇස් කඳුලින් තෙත් කරගත් අවස්ථා එමටයි. අසරණයෙක් දිහා හිතේ තෙතමනයක් එක්ක බලන්න ඔහුගේ ලිපි මට මග පෙන්නුවා. එමෙන්ම ඔහුගේ අදීන බවට සාක්කි එමටයි. ඒවා නැවත නැවතත් සිහිගැන්විය යුතු දෙවල් නොවෙයි.

මේ සතියෙත් සිළුමිණෙත් “පුන්කලස” හැරුනම කියවන එකම ලිපිය වන සුනිල් අය්යගේ “ජීවිතය සුන්දරයි” කියවන්න ගත්ත. ලිපියෙ මැද හරිය කියවනොකොට හදිස්සියෙන් නැවතත් මුලට ඇස් යොමු කරල බැලුවා මේක ලියල තියෙන්නෙ වෙන කෙනෙක්ද කියලා. නැහැ සුනිල් මාධව තමයි. ඔහු ලිපිය අවසන් කරනවා මහින්ද දිනවිය යුතුයි කියලා. හිතට ආවේ මහත් කණස්සල්ලක්.

ඉතින් ඒකේ වැරැද්දක් තියෙනවද? වැරැද්දක් තියෙන්න බැහැනෙ. තමන් කැමති කෙනාටනෙ තමන් ඡන්දය දෙන්නේ. මම මටම කියා ගත්තා.

ඒත් දෙවියනේ මෙ ලිපිය පුරාවට සුනිල් අය්ය මහින්ද ආණ්ඩුවට කඩේ යන්නෙ සෝමරත්න යුවල අරලියගහ මන්දිරේ ෂොපිං යන ගානට.

සුනිල් අය්යෙ,

“ඔයාගේ ලිපියෙන් (සහ මීට කලින් ලිපි කිහිපයකිනුත්) හැඟෙන්නෙ ලංකාව තව්තිසා දෙව්ලොවක් කරපු මහින්ද වෙනුවෙන් ඡන්දය පාවිච්චි කල යුතු බවයි.

සූරියකන්දෙන් සෝමරත්න හම්බ කලාට සුනිල් අය්ය හම්බ කලේ නැහැ කියල අපි දන්නව. අඩුම ගනනේ තමන් නියෝජනය කරන කලාවට මහින්ද කෙලල තියෙන හැටිවත් ඔයාට පේන්නේ නැද්ද? කොටින්ම පබා වගේ ඇටිකිච්චන් නිලියෙකුටවත් තමන් කැමති දෙශ්පාලනයක් කරන්න බැහැ කියල ඔයාට පෙන්නේ නැද්ද?. ඔයත් හොඳටම දන්න අරක්කු ටික හින්දා මිනිහෙක්ට රුපවාහිනියෙ “පරසතුමල්” වත් බලන්න බැරි බව ඔයා දන්නේ නැද්ද? තමන් එදා දෙපලු කල රාජ්‍ය මාධ්‍ය, ප්‍රේමදාස යුගයටත් නොදෙවෙනි ලෙස පාවිච්චි කරන බව අඩුම ගනනේ ඔයා සිළුමිණේ ඉතිරි පිටු ටික කියවනවනම් තෙරුම් ගන්න බැරිද?  “

සුනිල් අය්ය “සත්‍යවාදියෙකුගෙ ජීවිතයක සිට සුන්දර ජීවිතයකට” මුල පුරාගෙන යනව කියල හිතන්න මම කැමති නැහැ. ඒ අනිත් අය වගේම මමත් කැමතියි මෙගේ වීරයො පාරිශුද්ධ විදිහට දකින්න. සමහරවිට සුනිල් අය්යට වයස හින්ද ගොඩක් දේවල් පේන්නේ නැතිව ඇති. එහෙමත් නැත්තම් ඔයාට දැන් සුලුයි කියල හිතෙන දේවල් අපි තරුණ හින්ද බරපතල විදිහට දකිනවා ඇති. (ඔයා ඉස්සර කලා වගේ)

අන්තිමට එක දෙයක් තේරුනා. මේක විපරීත කාලයක්.

 වීරයොත් එක්ක දුෂ්ඨයො, මැරයොත් එක්ක අහිංසකයින්, පූජකයොත් එක්ක ඝාතකයො, බඩුකාරයොත් එක්ක පත්තිනි අම්මල,  එකට එකම අරමුණක් වෙනුවෙන් පේ වෙලා ඉන්න වෙලාවක්.  ඇතැම්විට විය යුතු හොඳම දෙය නම් කාලයට ඉඩදී, තාවකාලිකව හෝ මේ මුරුගසං වරුසාවට අහුවෙලා අනිත් එවුන්ට තියෙන පිස්සුව හදාගැනීමයි. වැස්ස පායපු දාට අපි ඔක්කොම අලුත් ඉරක් යටදි එකතු වෙමු.

ඡායාරූපය: silumina.lk